...
5 psixonevrologiya bo’limi

Аутистик спектри бузилган болаларни реабилитация қилиш учун мўлжалланган 5-сон рухийасаб касалликлари бўлими

          5-сон рухий-асаб бўлими 30 ўринга мўлжалланган бўлиб, у Аутистик спектри бузилиши (АСБ), Рухий ривожланишнинг орқада қолиши (РРОҚ) ва Нутқ ривожланишининг орқада қолиши (НРОҚ) билан касалланган болаларни даволаш ва реабилитация қилиш учун мўлжалланган.

Бўлим Ўзбекистон Республикаси Президентининг 07.09.2019. йилдаги ПҚ-4440-сонли “Кам учрайдиган (орфан) ва бошқа ирсий- генетик касалликларга чалинган болаларга тиббий-ичтимоий ёрдамни янада такомиллаштириш чора-тадбирлари тўғрисида” ги қарорининг 12-банди ва Соғлиқни сақлаш вазирининг 17.08.2020 йилдаги 214-сонли “Болалар церебрал фалажи ва Аутизм спектри бузилишларида тиббий-ижтимоий ёрдамни янада такомиллаштириш чоралари тўғрисида”ги буйруғи асосида ташкил этилган.

Бўлимда қуйидаги хоналар ташкил этилган:

  1. Сенсор хона
  2. Рухшунос хонаси
  3. Сенсомотор ривожланиш хонаси
  4. Ижтимоий мослашув хонаси
  5. ЛЕГО хонаси
  6. Қумли даволаш бурчаги
  7. Махорат ўйинлари хонаси
  8. Рухият хонаси
  9. Логопед хонаси

10.Мусиқа хонаси

Бўлимда оналар мактаби мавжуд бўлиб, унда махсус бола билан муомала қилиш кўникмалари ва уйда ишлатиладиган энг оддий реабилитация усуллари ўргатилади.

Мурожаат қилган бола кўп тармоқли мутахассислар гурухи (шифокор психоневролог, логопед, психолог, терапевт (тарбиячи)) томонидан биргаликда текширувдан ўтказилиб, ташхисга аниқлик киритилади, текширув режаси тузилади ва болани реабилитация қилишнинг индивидуал дастури ишлаб чиқилади. Бола терапевтлардан бирига бириктирилади. Зарурат бўлганда, ота-оналарнинг асосли илтимосига биноан, терапевт 5 – бўлим бошлиғи ва педагогика бўлими бошлиғининг қарори билан бошқасига ўзгартирилиши мумкин.

АСБ, РРОҚ, НРОҚ бўлган болаларни реабилитация қилишда ишлатиладиган даволаш ва тузатиш усуллари:

1.Психологик тузатиш

  1. Сенсорли восита терапияси.
  2. АВА терапия (амалий хулқ-атворни тахлил қилиш)
  3. PECS карталаридан фойдаланадиган алтернатив алоқа тизими
  4. ТЕАSSN дастури бўйича тузатиш усуллари
  5. Ижтимоий мослашув таркибий қисмларини шакллантириш
  6. Нутқ камчиликларини тузатиш
  7. Мусиқа терапияси
  8. Боланинг оиласи ва атроф-муҳит билан ишлаш
  9. Диетотерапия
  10. Дорилар билан даволаш.

Мутахассисларни тайёрлаш Калифорния Университети (АҚШ, Сан-Франциско) ва “Наш солнечный мир” маркази (Россия, Москва) базасида амалга оширилди.

Дастлаб, болага касалхонанинг АВА-терапия бўйича махсус ўқитилган психоневрологлари томонидан маслахат-ташхисот ўтказилади.   Ташхис тасдиқлангач, болага стационарда даволаниш учун келиш санаси кўрсатилган чақириқ берилади.

Болани касалхонага жойлаштириш учун қуйидаги хужжатлар бўлиши керак:

– Республика болалар рухий-асаб касалхонаси мутахассисларининг хулосаси;

– Вилоят соғлиқни сақлаш бошқармаси, вилоят тиббиёт муассасалари, шунингдек, туман (шахар) тиббиёт бирлашмалари томонидан берилган даволанишга йўлланма;

– Боланинг яшаш жойидаги СЭНМдан 21 кун ичида инфекциялар билан мулоқотда бўлмагани тўғрисидаги маълумот;

– Ичак гурухи учун нажаснинг бактериологик экмаси, BL учун томоқ ва бурундан етиштириладиган экманинг салбий натижаси;

– Эмлашлар хақида маълумотлар;

– Боланинг туғилганлик хақидаги гувохномаси асли ва нусхаси;

– Ота-онанинг паспорти асли ва нусхаси.

Реабилитация учун 2 ёшдан 10 ёшгача бўлган болалар қабул қилинади. Бола касалхонага фақат онаси ёки унинг ўрнини босадиган шахс хамрохлигида ётқизилади. Шунингдек, даволовчи шифокор ва бўлим бошлиғининг қарорига биноан, қабул қилинган терапиядан сўнг уйга қайтиб, муассасага қайта ташриф буюриш имконияти бўлади.

Даволаниш курси касалликнинг оғирлиги ва боланинг стационар шароитларига мослашишига қараб 14-30 кунни ташкил этади.

Касалхонага ётқизишга қарши кўрсатмалар:

1.Рухий касалхоналарга ётишни талаб қиладиган оғир рухий касалликнинг мавжудлиги;

  1. Ўткир даврдаги соматик касалликлар борлиги;
  2. Юқумли касалликлар мавжудлиги.

Боланинг касалхонага боришдан қатъий рад этилиши ҳолатларида, уй шароитида хизмат кўрсатилади (Тошкент шахри учун): мутахассисларнинг пуллик асосдаги ташрифи ташкил этилади.

3 – 6 ой ичида чақирув билан қайта касалхонага ётқизилади.

Чақириқ варақаси бола кетаётган куни қабул бўлимида даволовчи шифокор томонидан берилади.

Шунингдек, бўлимда ота-оналарга касаллик тарихидан кўчирма берилади.

Булим мудири.

Варфоломеева Татьяна Александровна.

Болалар неврологи.

Олий тоифали шифокор. Иш вақти : 8.00 – 15.30.

Абдуназарова Саодат Абдуназаровна

Олий тоифали шифокор.

Иш вақти : 8.00 – 15.30.

Якубова Мадина Асраловна.

Логопед

Маълумоти: Олий

  Катта хамшира.

Абрамова Светлана Олеговна.

Олий тоифали хамшира.

Иш вақти : 08.00 – 15.30

Логопед.Якубова Мадина Асраловна.

Бўлим жамоаси